2021年8月13日 低醣增肌減脂計劃 day 12
.
琴日打完疫苗第五日，全身都好攰瞓咗全日💤
.
因為放假嘅關係，早上起身食完早餐🥣又瞓過，瞓到下午一兩點覺得有啲精神，突然間好想食餃子🥟但係餃子皮絕對係低醣飲食嘅敵人，諗起雪櫃有之前買落嘅大豆紙腐皮，就用腐皮來包餃子😝
.
其實呢款大豆紙腐皮係好多超級市場都有，我就係響百佳買嘅，一包入面有好多張，好似A4 size咁大，我會將佢一開四剪到好似平時雲吞皮咁大張。
.
另外我用左一啲雞胸肉，雞髀肉，菠菜，紅蘿蔔粒，加鹽，胡椒粉，黑胡椒，少少油同埋麻油整咗d餃子餡，就包餃子啦😝
.
用腐皮包餃子基本都係順利，困難在於點樣封起個口，我打咗啲蛋漿喺封口位用蛋漿封實，你見到包出嚟有板有眼😝
.
啲餃子以防佢落鑊容易爛易散，我係會用蒸嘅方法先將佢整熟，另外再用無糖豆漿煮咗個湯底淋落去，咁樣就整好我嘅雞肉腐皮餃子啦😝
.
係低醣期間如果想食餃子🥟用腐皮代替餃子皮都不失為一個唔錯嘅方法😜😜
.
琴日我煮完呢餐餃子之後又冇晒力啦，全身軟奶奶，食完飯又瞓過，瞓咗全日🥺
Search